信用卡分期｜全港最齊全信用卡簽賬分期計劃 完全比較2023

信用卡分期｜全港最齊全信用卡簽賬分期計劃 完全比較2023

信用卡分期在一啲人眼中係利器，唔少貴嘢要分期先買得起；在另一啲人眼中，係陷阱，係一個令人過度消費嘅陷阱：「冇錢咪唔好買囉，分乜嘢期？」而在筆者眼中，信用卡分期係貸款，最緊要比較清楚借貸成本同埋各類收費，本文就為你完全比較2023年筆者能夠搵到嘅所有香港信用卡分期計劃。

Table of Contents

Toggle信用卡分期｜全港簽賬分期計劃利息/手續費/行政費比較表2023信用卡分期｜每月收手續費與一筆過手續費信用卡分期｜免息分期商戶免息分期恒生／富邦／livi／安信 3個月免息分期信用卡分期｜部分信用卡分期有優惠

信用卡分期｜全港簽賬分期計劃利息/手續費/行政費比較表2023

以下資料截至2023年7月7日。

銀行簽賬分期計劃申請方法最低申請額還款期每月利息／手續費低至提前還款行政費一筆過手續費低至交通銀行簽賬／月結單分期計劃ebanking／電話HK$1,0006 至 24個月––2.50%東亞「好用錢」結單分期App／ebanking／電話HK$2003 至 60個月0.22%HK$300–中銀香港月結單分期付款App／ebanking／電話HK$1,0003 至 36個月0.18%HK$300–建行(亞洲)Chill分期 一般消費ebanking／電話HK$1,0003 至 60個月0.35%HK$500–建行(亞洲)Chill分期 保費/交稅ebanking／電話HK$1,0003 至 60個月0.30% （劃一）HK$500–Citi賬單「分期更好使」AppHK$3,0006 至 48個月0.24%未償還金額之4%–中信信用卡「幾時都分期」電話HK$1,0006 至 36個月0.26% （劃一）HK$250–大新「開心消費分期」計劃ebanking／電話HK$3,0006 至 48個月0.12%HK$300–DBSFlexi ShoppingApp／電話HK$5003 至 60個月0.13%––DBS一次性手續費App／電話HK$5003 至 12個月––0.65%富邦自由式分期計劃電話HK$1,0006 至 36個月0.50% （劃一）HK$120–富邦簽賬任分期電話HK$1,0006 個月0.20% （劃一）HK$120–富邦0息旅遊簽賬任分期電話HK$1,0006 個月0% （劃一）HK$120–恒生簽賬及消費分期ebanking／電話HK$8003 至 60個月0.18%HK$300–恒生一筆過手續費ebanking／電話HK$8003 至 12個月––0% （3個月）滙豐簽賬分期計劃App／電話HK$1,0006 至 60個月0.18%HK$300–滙豐一筆過手續費*AppHK$1,0006 至 12個月––0.66%工銀亞洲賬單分期電話HK$1,00012 至 36個月0.235% （劃一）HK$300–livilivi PayLaterAppHK$1003 至 60個月0% （3個月）未償還金額之3%–Mox月結單分期AppHK$2,0003 至 60個月即時計算未償還金額之2%即時計算華僑「消費易」免息簽賬分期電話HK$1,00012 至 24個月0.21%HK$300–安信信用卡簽賬分期AppHK$1,5003 至 24個月0% （3個月）HK$300–渣打信用卡分期付款App／ebankingHK$5003 至 60個月0.19%HK$150–

* 只限滙豐Red信用卡

信用卡分期｜每月收手續費與一筆過手續費

睇返上表，香港嘅信用卡分期計劃主要分為兩種：每月收手續費與一筆過手續費。

每月收手續費就係最傳統每月還本金加上利息（而家通常係收手續費，好聽啲嘛，但對消費者來講，息同手續費都分別不大啦），類似私人貸款方式。

一筆過手續費就比較新，做法係只在第1個月還款時收一次性手續費，之後只還本金。例如你有HK$12,000要做分期，分12個月，一筆過手續費為HK$100，咁你頭1個月要還HK$1,100，其後11個月就還HK$1,000。

其實兩個方法分別不大，始終都要俾咁多息，只差在幾時俾。

信用卡分期｜免息分期

好多人都會問，上面差唔多所有分期都收手續費或利息，咁而家仲有冇免息分期架？答案係有嘅，不過要符合特定條件先有，主要係以下兩種。

商戶免息分期

香港有好多舖頭有做免息分期，基本上係同銀行deal好嘅分期計劃，你去到呢啲商戶一問就會知道邊張卡做到免息分期，通常最長可以做24個月分期。商戶免息分期只限指定商戶先做到，銀行都會將呢啲商戶免息分期歸類做自己嘅信用卡優惠，長期免息分期又有，短期免息分期亦會以活動形式出現，呢度有幾間銀行嘅商戶免息分期計劃以供參考：AEON／中銀香港／建行(亞洲)／華僑／安信。

恒生／富邦／livi／安信 3個月免息分期

至於真正嘅免息信用卡分期，現時有4間做緊，分別係恒生、富邦、livi、安信，佢地不約而同地都係做3個月0息分期，意思係如果你要免息就一定要分3個月還，未必真係好幫到手，但0息就無謂咁多聲氣。

信用卡分期｜部分信用卡分期有優惠

同私人貸款一樣（事實上兩者性質係相同），信用卡分期都可以有優惠同回贈，吸引人簽更大額簽賬同埋分較長還款期，當然大家都明白，羊毛出自羊身上，送俾你嘅回贈，都係來自你嘅利息。以下係而家做緊嘅信用卡分期優惠：

渣打信用卡分期 高達HK$500現金回贈（優惠期至2023年7月31日）大新信用卡「開心消費分期」計劃高達HK$500現金獎賞（優惠期至2023年7月31日）中銀香港 月結單分期電子渠道申請享高達HK$1,000現金回贈（優惠期至2023年8月31日）DBS Flexi Shopping 3或6個月分期享高達HK$220一次性手續費回贈（優惠期至2023年9月30日）Citi Mobile App賬單「分期更好使」高達2%無上限獎賞（優惠期至2023年9月30日）建行(亞洲) Chill分期特選客戶享高達HK$7,000現金回贈（優惠期至2023年9月30日）

Follow我們 Social Channel 得到最新資訊 : IG: wavingcat.hk FB: WavingCat招財貓